«*» RUKHSANA«*» <>_<>kahaan tak aur terii beruKhii gavaaraa ho<>_<>

 

 

<>_<>kahaan tak aur terii beruKhii gavaaraa ho<>_<>

 

 

ganvaa chuke kaii umren ummiidvaar tere
kahaan tak aur terii beruKhii gavaaraa ho

 

jahaan main jaauun havaa kaa yahii ishaaraa ho
koii nahiin jo yahaan muntazir tumhaaraa ho

 

merii bujhatii huii aankhon ko raushanii baKhshe
vo phuul jo tere chehare kaa ista'araa ho

 

chalaa huun apanii hii aavaaz-e-baazgasht pe yuun
kisii ne duur se jaise mujhe pukaaraa ho

 

 

tuu paas aate huye mujh se duur ho jaaye
ajab nahiin ki yahii haadasaa dobaaraa ho

 

nazar farebii-e-rang-e-chaman se bach
jise tuu phuul samajh le kahiin sharaaraa ho

na raastaa na koii Dagar hai yahaan
magar sab kii qismat safar hai yahaan

 

sunaaii na degii dilon kii sadaa
dimaaGon men vo shor-o-shar hai yahaan

 

havaaon kii ungalii paka.D kar chalo
vasilaa ik yahii motabar hai yahaan

 

na is shahar-e-behis ko seharaa kaho
suno ik hamaaraa bhii ghar hai yahaan

 

palak bhii jhapakate ho  kyuun
tamaashaa bahut muKhtasar hai yahaan