«*» RUKHSANA«*» <>_<>Chal kahin, door chaltay hain is sheher say <>_<>

 

 

<>_<>Chal kahin, door chaltay hain is sheher say <>_<>

 

 

Jaam ko tore kar, may say mun more kar
Chal bayaabaan chalen, may-kadaa chhore kar

Pyaas bujhti nahi, ab tu is zeher say
Chal kahin, door chaltay hain is sheher say

Har qadam tu ne un ka sahaara liya
Har qadam par wo pehlu chhuraatay rahay

Log hanstay thay tazleel par aur tum
Un say nazren bacha, muskuraatay rahay

Is say pehlay k kaandhon pay laaday huay
Us sitamgar kay qisay sunaatay huvay

Loug chhore aain tujh ko bayaabaan main
Us ki yaaden bhe rakh lay tu saamaan main

Ik kali un-khili, tujh say kehti rahi
Is chaman ko teri kuch zarurat nahi

Dakhe kar khud, chaman main bahaar aa gai
Alvida kay siva koi surat nahi

Raat dhal jaayay gi, din nikal aayay ga
Kon poochhay ga tera pattaa seher say

Raat he raat main, chal paren gay kahin
Haan magar kuch qabal, aakhri peher say

Chal kahin....
.....door chaltay hain, is sheher say