men tanhai ka dildada,,
musafir wehsht-o-sehra ka,,,
meri manzil,,,
mera rasta,,,
hawaen humsafar meri,,
safar thi zindagi meri,,,
zamane k her ik ranj-o-alam se,,
pyar tha mujh ko,,,
muhabbat k her zee rooh se,,
iqraar tha mujh ko,,,
mujhe nafrat thi nafrat se,,,
ibadat thi k aadat thi,,,
meri duniya Muhabbat thi,,,
magar lagta he ab ese,,
k sub kuch ek sapna tha,,
k men ne aankh khulte he,,
jise dekha,,,
jahaan dekha,,
jise jis rang men chaha,,
wo tum hi thi,,,
tumhen paya,,
to sach ye hai,,
k men ne khud ko pehchana,,
tumhaare hi tawassut se,,
men pohncha aasmano tak,,
samajh men zindagi aaei,,
khudi ko aashna jana,,
Adhoora tha tumhaare bin,,
Adhoora hoon tumhaare bin,,
meri takmeel tum se he,,
her ik mosam men phoolon se saja,,
takhiyyul tum se he,,
to khud socho zara,,
JANA
mera tum se bicharh kar,,
zindagi to door he,,
bs saans b lena,,
bhala kis tarah mumkin he,,,
Azal se aaj tak men ne,,
kabhi tum se,,
kaheen b kuch nhi maanga,,
mera daman kabi phela nhi,, Khud mere aage tak...
Magar men aaj,,
apne haath se apni ana ka sar qalam kar k,,,
tumhen ye arz karta hoon,,
mere aghaz se anjaam tak,,
her cheez tum le lo,,
bus mujh se,,
tum waada karo itna,,,
k tum waada na torho gi,,
k mujh se monh na morho gi,,
safar ki intaha tak,,
tum raho gi humsafar meri,,
mujhe tanha na chorho gi,,,
Muhabbat ki qasam tum ko,,
k gulrut men na murjhana,,
mujhe tanha na kar jana,,
mere dukhte hue dil ki,,,
faqat itni tamana he,,
faqat itni tamana he,,
This e-mail is confidential and may contain legally privileged information. If you are not the intended recipient, you should not copy, distribute, disclose or use the information it contains, please e-mail the sender immediately and delete this message from your system. Note: e-mails are susceptible to corruption, interception and unauthorised amendment.
.jpg)
0 comments:
Post a Comment